KREBA DI'A LESO HO'O 29 MEI 2012

HO’O DḖ INJIL DE MORI YḖSUS ATA TUNTI LIHA MARKUS 10:28-31
PAKA NARING GA LITḖ MORI KRAẺNG (29-05-12)


28 Poli hitu ga mai taé diha Pétrus ngger oné Mori Yésus, “Ami ho’o dé poli legong sanggéd ca o ca agu lut Ité!”
29 Mai walé de Mori Yésus ga, “Tetu’ung kéta taé Daku ngger oné hau, sanggéd taung ata, siot landing Aku agu landing Injil poli legong mbaru’d, ko haé wa’ud siot ata rona ko siot iné wai’d ko weta laing’d, ko endé’n ko ema’n, ko mantar koé’n ko uma baté duat’n,
30 ata hitu du oné mosé leso ho’o kéta kin cepisa manga kaut tiba ceratus kali dod sanggéd ca o ca situ: mbaru, asé-ka’é ata rona, asé-ka’é inéwai, endé, mantar agu uma baté duat, koném po toé kéta manga ngancéng lécé’d isé oné mai mosé susa le aniaya, agu du leso cemol tayi ga hia hitu manga kaut tiba mosé tédéng lén.
31 Landing do ata siot cai taki olo kétas ga jiri ata taki musi kétas tayi agu ata siot cai taki musi ga jiri ata cai taki olo.”


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS

@Copyright terjemahan: Fransiskus Borgias M. (Anggota Pakar LBI)