KREBA DI'A LESO HO'O 23 MEI 2012

HO’O DḖ INJIL DE MORI YḖSUS ATA TUNTI LIHA YOHANES 17:11b-19
PAKA NARING GA LITḖ MORI KRAẺNG (23-05-12)


11b Yo Ema ata nggeluk kéta, lami di’a-di’a koé Lité sanggéd isé situ oné ngasang Dité, yaitu ngong ngasang Dité hiot poli téingn Lité ga ngger oné Aku, kong isé jiri ca nai cama ného/agu Ité.
12 Du Aku ka’éng cama-cama agu isé lawang ho’o, Aku dé ata lamid isé oné ngasang Dité ata hiot poli téingn Lité ngger oné Aku; poli Laku lamid isé ga agu toé kéta manga cengatan ata oné mai isé ata poli pilé kudut te jiri leraks tayi, kong pandé te genapn apa ata poli tulisn oné Buku Nggeluk.
13 Maik te ho’on ga, Aku mai ngger cé’é Ité agu Aku taé taungs apa so’o ga lawang Aku ho’o ngai manga oné lino ho’o kig, kong penongn nisang nai Daku oné nai Disé.
14 Poli téingn Laku reweng Dité ngger oné isé agu lino ho’o ga reget agu isé, ai isé dé toé mai oné mai lino ho’od, cama ného Aku ho’o toé mai oné mai lino ho’og.
15 Aku ho’o toé tegi, kong Ité ga emi isé situ oné mai lino ho’od, maik kong Ité lami di’a-di’a isé oné mai sangged ata da’at.
16 Isé situ dé toé oné mai lino ho’od, cama ného Aku ho’o toé oné mai lino ho’og.
17 Pandé nggeluk ga sanggéd isé oné kebenaran; reweng Dité hitu dé kebenaran hitu.
18 Cama ného Ité poli jera Aku te mai ngger oné lino ho’o, ne nggitu kolé dé Aku poli jera isé te ngo ngger oné lino ho’o;
19 agu Aku ga poli pandé nggeluk weki Rug Aku latang te isé, kong isé kolé pandé nggeluk moséd oné kebenaran.


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS

@Copyright terjemahan: Fransiskus Borgias M. (Anggota Pakar LBI)