KREBA DI'A LESO HO'O 08 MEI 2012

HO’O DḖ INJIL DE MORI YḖSUS ATA TUNTI LIHA YOHANES 14:27-31a
PAKA NARING GA LITḖ MORI KRAẺNG (08-05-12)


Aku téing hambor latang te méu. Hambor Daku manga agu méu, agu apa ata téing Daku toé cama ného apa ata téing de lino ho’o latang te méu. Néka simpung ko jejer nai de méu. Poli dengén le méu ngong apa ata poli taéd Laku ngger oné méu lawang ho’o: Aku ho’o ngo, maik Aku mai kolé cepisa ngger oné méu. Ẻmé méu momang Aku, tentu méu ho’o nisang nais ai Aku ho’o ngo ngger oné Hia Ema Daku, ai Hia Ema hitu dé céwé mésé oné mai Aku. Te ho’on kole ga Aku curup agu méu be bolon jirin apa hitu cepisa, kong méu imbi, émé jiriy apa hitu cepisa. Toe dod kolé apa ata te curupd Laku agu méu, ai ata rang kuasan lino ho’o maiy gi. Hia toé kéta manga ce koén rang kuasan béta mai weki Daku, maik lino ho’o paka baé ngong Aku ho’o dé momang Hia Ema agu ngong ho’o Aku pandé sanggéd taung ného apa ata poli peréntad Liha Ema ngger oné Aku.”


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS

@Copyright terjemahan: Fransiskus Borgias M. (Anggota Pakar LBI)