KREBA DI'A LESO HO'O 07 MEI 2012

HO’O DḖ INJIL DE MORI YḖSUS ATA TUNTI LIHA YOHANES 14:21-26
PAKA NARING GA LITḖ MORI KRAẺNG (07-05-12)


Céing-céing kaut ata lorong perénta Daku agu pandé taungs liha perénta situ, hia hitu dé ata momang Aku. Céing-céing kaut ata momang Aku, hia hitu cepisa momang liha Ema Daku agu Aku kolé cepisa momang hia agu manga kaut toto Wekig Aku cepisa ngger oné hia.” Mai taé diha Yudas, hiot toé hia Iskariot ngasangn, ngger oné Hia, “Mori é, co’o Ité tara nanang/ngoéng te toto Weki Rud Ité ngger oné ami, maik toé ngger oné lino ho’o?” Mai walé de Mori Yesus ga, “Ẻmé cengata ata momang Aku, hia hitu cepisa lorong reweng Daku agu Ema Daku cepisa momang hia agu Ami cepisa mai ngger oné hia agu ka’éng cama-cama agu hia. Céing-céing kaut ata toé momang Aku, hia toé lorong reweng Daku; agu reweng hitut dengé de meu dé toé mai one mai weki Rug Aku, maik oné mai Hia Ema ata poli jera Aku te mai cé’é ho’o.

Aku taé sanggéd taung apa so’o ngger oné méu, du rémé Aku ho’o ngai manga ranga cama-cama kig agu sanggés méu; maik Hiat ata Campé, ngong Nai Nggeluk, hiot jera te mai liha Ema cepisa oné ngasang Daku ga, Hia hitu dé cepisa ata toing sanggéd ca o ca latang te méu agu te pandé nuk ngger oné méu cepisa ngong sanggéd apa ata poli curupd Laku ngger oné méu lawang ho’o.


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS

@Copyright terjemahan: Fransiskus Borgias M. (Anggota Pakar LBI)