KREBA DI'A LESO HO'O 29-03-12

HO’O DḖ INJIL DE MORI YḖSUS ATA TUNTI LIHA YOHANES 8:51-59
PAKA NARING GA LITḖ MORI KRAẺNG (29-03-12)


“Tetu’ung kéta tae Daku agu méu: Céing-céing kaut ata ata lorong reweng Daku, hia ngancéng haéng mosé dengkir tayin agu tédéng lén.” Mai taé data ata tu’a laingd oné mai ata Yahudi situ ga ngger oné Hia, “Te ho’on baé lami ga, Hau ho’o dé rémé kéta woréng le jing da’at’m. Ai hia Abraham danong poli matan ga ne nggitu kolés sanggéd taung nabi-nabi, landing mai taé de Hau ga: Céing-céing kaut ata ata lorong reweng Daku, hia ngancéng haéng mosé dengkir tayin agu tédéng lén. Ai céwé mésém Hau ho’o ko one mai ema dité hia Abraham, hiot poli matan ga! Ne nggitu kolés sanggéd nabi-nabi, isé poli matad ga; nanang banding agu céing kolé le Hau weki Rum hitu ga?” Mai walé de Mori Yésus ga, “Ẻmé Aku ho’o hiang weki Rug kaut, hiang hitu toé kéta manga artin a. Hia Ema Daku dé ata hiang Aku; ne nggo’o dé taé de meu ngong Hia hitu: Hia dé Ema dami, maik méu toé baé Hia. Agu émé ne nggo’o taé Daku: Aku toé baé Hia, Aku ho’o dé ata nggopét, cama ného méu, landing Aku baé Hia agu Aku lorong reweng Diha. Hia Abraham ema de méu nakay tayi ai hia poli itan ga agu hia nata kétay.” Poli hitu mai taé data ata tu’a laingn oné mai ata Yahudi situ ngger oné Hia, “Umur de Hau toé di rapak limampulu ntaung, landing taé de Hau ga poli itan le Hau hia Abraham?” Mai taé de Mori Yésus ga ngger oné isé, “Tetu’ung kéta taé Daku ngger oné méu ho’o, danong du toé di manga hia Abraham, manga Aku ga.” Poli hitu isé emi watu kudut te peké oné Hia; landing Mori Yésus rodo mora (mesa) ne nggitu kaut nitu main agu ngo be pé’ang mai Mbaru de Mori Kraéng.


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS

@Copyright terjemahan: Fransiskus Borgias M. (Anggota Pakar LBI)