KREBA DI'A LESO HO'O: SELASA 05 JANUARI 2010

PENERJEMAH: FRANSISKUS BORGIAS M
PENELITI CCRS (Center for Cultural and Religious Studies) FF-UNPAR BANDUNG


MRK.6:45-52


Yesus lako eta lobo wae tacik
Poli hitu ga Yesus gelang-gelang jera sangged taung ata nungkuN kudut te leti nggere one lambo (perau) agu kudut lako padong nggere sina tana be sina, nggere sina Betsaida; weki Run Hia ga jera ata do situ te kole keta taungs. Cang du poli becang one mai ised ga, Hia ngo nggere eta golo kudut te ngo ngaji. Pas cang du ruis serehang wie tana ga lambo hitu pas keta reme one breha tacik ko rana hitun; Hia Yesus wili ga ka’eng hanang koen kin one tana masa sina tana be sina. Cang du itan Liha ise susa keba-kaek keta te pande lakon lise lambo hitu ai wajol le buru ata mai olo mai, maka du keta tiong te ongga telu wie ga Hia mai ruis-ruis ise; Hia lako eta lobo wae tacik agu te nanang lako nggaruk kaut legong ise one breha tacik hitu. Cang du itan lise Hia ga reme ketang lako lobo wae tacik hitu, nuk dise ga Hia hitu de poti po, itu de tara ciek ided ketad sangged taung ise, ai sangged ise situ ita Hia agu gega agu gege keta taungs ise situ. Landing gelang-gelang Hia curup agu ise, “Hema kaut, neka rantang! Aku de ho’o e, toe ata bana, neka rantang!” Poli hitu ga Hia leti nggere one lambo hitu kudut te impung cama-cama agu ise; poli hitu ga rodo lik ne nggitu kauty buru pote-roe hitu. Sangged ise lenget keta taungs, ai ise toe di nganceng idepn konem poi se poli baen tanda lenget roti, landing nai atu utek dise toe kin di nganceng noingn.

BANDUNG 05 JANUARI 2010
SIS B (CCRS FF UNPAR BANDUNG)