KREBA DI'A LESO HO'O 07 JANUARI 2010

TERJEMAHAN: FRANSISKUS BORGIAS M.
PENELITI CCRS (Center for Cultural and Religious Studies) FF-UNPAR BANDUNG

LUK.4:14-22a


Le kuasa de Nai Nggeluk kole ga hia Yesus nggere sina Galilea. Poli hitu denge labok neteng beo kreba ngong Hia. Lawang kaut du hitu ga Hia ajar one mbaru-mbaru ngaji sina hitu; sangged taung ata naring Hia keta taungs.
Poli hitu ga Hia ngo nggere sina Nazaret; hitu de beo bate uwan Hia. LasengN Hia ga neteng kaut leso Sabat Hia ngo nggere one mbaru ngaji. Poli hitu Hia hese nanang te baca one mai Buku Nggeluk. Teing lata nggere one Hia ga Buku diha nabi Yesaya. Mai hia ga cengka Buku hitu. Poli hitu ga mai Hia kawe nas ata te baca Diha. Cang du hitu ita lihat nas one mai Buku diha nabi Yesaya, ata ne nggoo y runin:
“Nai Nggeluk de Morin manga agu Aku, ai Hia poli pande luma Aku le mina nggeluk, kudut te ba kreba di’a latangt sangged ata lengge; Hia kole poli wuat Aku te ngo ba kreba di’a te pande lego keta taungs sangged ata siod jiri tawanan laing; Hia kole ba ko pande di’a mata data buta mata, kudut te pande bete keta taungs sangged ata siot taki mendi laings. Hia kole nanang te ba kreba ntaung berkak de Morin poli cain ga.”
Poli hitu ga Hia tadu Buku nggeluk hitu, agu teing kole nggere one ata petugas lain one mbaru ngaji hitu. Poli hitu hia lonto wa koleY. Landing mata de sangged taung ata one mbaru ngaji hitu lelo Hia keta taungs. Itu tara ne nggoon wili ga Hia hese agu pu’ung te ajar sangged ise. Ne nggoo tae diha, “Du leso hoo de cai rapakn nas hitu bao, pas keta cang du dengen le meu curup nggeluk hitu.” Setuju keta taungs le sangged ata ata mai lut hia. Ise kole lenget keta tuung cang du dengen lise curup-curup minak Diha, reweng emas one mai muu luju Diha, agu ne nggoo tae dise: “Ai ya cala mantar diha Yusufp ta ata hoo?”

BANDUNG, 07 JANUARI 2010
SIS B (CCRS FF UNPAR BANDUNG)