KREBA DI'A LESO HO'O 08 JANUARI 2010

PENERJEMAH: FRANSISKUS BORGIAS M
PENELITI CCRS (Center for Cultural and Religious Studies) FF-UNPAR BANDUNG

LUK.5:12-16


Pas du cengkalin ga Hia Yesus manga one ca kotay. Sina kota hitu manga cengatay ata beti kusta keta taung wekin. Cang du itan liha Hia Yesus ga, rodo suju agu tikul kaut n hia agu ne nggoo tegi koen: “Mori e, eme ngoengd Ite Mori ga, Ite Sengaji nganceng pande di’a kole beti weki daku ho’o.” Mai Mori Yesus los limeN, cau Liha ata hitu, agu ne nggo’o taen: “Ngoeng Daku, hau ga jiri ina one mai betim.” Cang du hitu ga rodo mora ne nggitu kauts beti kusta data hitu. Re’ing liha Yesus ata hitu kudut neka tombo olo-olo nggere one cei-cei kaut agu ne nggoo kole pedeN, “Damang de ngo hau ga, toto wekim hitu bolo mai rangad sangged tuang mese, agu poli hitu ga neka hemong teing takung kudut te pande nggelok wekim hitu, neho takung hiot poli perenta diha Musa danong; ai hituy de bukti latang te sangged tuang mese situ.” Landing kreba ngong Hia Yesus ga tambang-tambang keta jiri labok beon ga, hitu de tara mai londangd ata doo situ ga mai cumang Hia Mori Yesus. Ise kole mai te senget toing Diha agu te mai te tegi te pande di’a mosed le pande dia kole sangged beti weki dise. Landing Hia ga hesot hanang koen kudut te ngo nggere sina bate keot, bate siot lik keta. Sina hitu Hia nanang te ngajiY.

BANDUNG, 08 JANUARI 2010
SIS B (CCRS FF UNPAR BANDUNG)