KREBA DI'A LESO HO'O 12-03-12

HO’O DḖ INJIL DE MORI YḖSUS ATA TUNTI LIHA LUKAS 4:24-30
PAKA NARING GA LITḖ MORI KRAẺNG (12-03-12)


Mai kolé taé Diha ga, “Tetu’ung kéta taé Daku ngger oné méu, toé manga nabi ata hiang oné béo de run. Tambang kolé ga, Aku taé ngger oné méu, agu apa taé Daku ho’o tu’ung kéta: Danong du ngai mosé kin hia Ẻlia manga do kéta inéwai luang cé’é Israél ho’o cang du awang tadu jimed kéta lawang telu ntaung agu enem wulang agu cang du manga cekeng darem mésé oné labok tana ho’o. Landing hia Elia toé jera te ngo ngger oné can oné mai inéwai luang situ, maik hia ngo ngger sina cengata ata inéwai luang sina Sarfat, sina tana Sidon. Cang du mosé kin hia nabi Ẻlisa danong do kéta dé ata ata hena le boke rowés (kusta) cé’é Israél ho’o landing toé kéta manga cengatan ata oné mai isé situ ata pandé inad; hanang hia Naaman, ata Siria, ata pandé ina betin.” Cang du dengén lisé sanggéd tombo situ rabo mésé kétas sanggéd ata oné mbaru ngaji hitu. Hesé paka di’as isé ga, agu sonda (wur) lisé Hia Mori Yésus ngger pé’ang mai kota; dadé lisé Hia ngger oné lupi ngampang mésé oné dungka golo osang baté hesén kota hitu; isé nanang te dur agu oké Hia ngger wa ngampang hitu. Landing Hia lako liba ne nggitu kauty oné beréha isé agu ngon Hia ga.


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS
@Copyright terjemahan: Fransiskus Borgias M. (Anggota Pakar LBI)