KREBA DI'A LESO HO'O 02-03-12

HO’O DḖ INJIL DE MORI YḖSUS ATA TUNTI LIHA MATIUS 5:20-26
NARING GA LITḖ YḖSUS KRISTUS (02-03-12)


Wiga wili ga, oné mai wuad dé tay ngancéng baéd le méu isé situ. Toé sanggéd ata siot kepok ngger cé’é Aku: Mori, yo Mori! ata ocok ngger oné mbaru surgay tay, maik ata siot seber te pandé apa ata ngoéng de Ema Daku éta surga. Du leso turung cemol tay ga dooo kéta ata ata kepok ngger cé’é Aku: Mori, yo Mori, ami ho’o olo poli céngka nubuat le ngasang Dité, poli sonda poti le ngasang Dité, agu dondé poli pandé tanda lenget le ngasang Dité kolé! Cang du hitu tay ga Aku tombo toé ceha kaut ngger oné isé agu ne nggo’o taé Daku: Néka kéta rabo, toé kéta manga baés Laku méu ho’o! Ngo méu ga oné mai ranga Daku, sanggés méu ata pandé apa ata da’at!”
Wiga wili ga, sanggéd taung ata ata séngét reweng Daku ho’o, agu tuntis liha oné mosén, ata hitu cama ného cengata ata bijaksana, ata pandé hesé mbarun lobo watu. Poli hitu cain usang mésé agu ronco waé wa’a, agu ngkeng kolé buru mésé liba dungka mbaru hitu, landing mbaru hitu toé rencoy ai mbaru hitu hesé/pésék lobo watu. Landing céi-céi kaut ata ata séngét, reweng Daku maik toé tuntis liha oné mosén, ata hitu dé cama kéta ného ata bodok éros, ata hiot pandé hesé mbarun lobo laing. (Poli hitu cain usang mésé agu ronco waé wa’a, agu ngkeng kolé buru mésé liba dungka mbaru hitu, wiga renco muingy mbaru hitu agu rusak da’at kétay jirin ga.”)


HO’O DẺ REWENG DE MORIN:
NARING GA LITḖ YḖSUS KRISTUS
@Copyright terjemahan: Fransiskus Borgias M. (Anggota Pakar LBI)