HO’O DḖ INJIL DE MORI YḖSUS ATA TUNTI LIHA MARKUS 12:28-34
PAKA NARING GA LITḖ MORI KRAẺNG (07-06-12)
Poli hitu manga cengata ata mbeko getok Taurat, ata séngét Mori Yésus, agu cengata ata Saduki ata rémé léwang taud, agu baé lisé Mori Yésus ngancéng walé di’a-di’a réi disé, mai cé’é Hia agu mai réid ga, “Apa péng perénta ata céwé taki étan kéta ta?” Mai walé de Mori Yésus ga, “Perénta ata dai étan kéta dé ho’oy: Séngét le méu é ata Israel, Mori Kraéng dité, Mori hitu cay kali. Momang Mori Kraéng de hau, le sanggéd nai’m hau agu le sanggéd wakar’m hau agu le sanggéd nuk’m hau agu le sanggéd mberes’m hau. Perénta te suan ga: Momang ga haé mensia de méu cama ného (momang) weki de rum. Toé manga perénta pali bana kolé ata céwé mésén oné mai sua perénta so’o.” Poli hitu ga mai taé de ata mbeko getok Taurat hitu ngger oné Mori Yésus, “Tu’ung kéta é Tuang Guru, tu’ung kéta taé Dité hitu, Mori dité hitu cay kali; toé manga kolé ce banan be pé’ang mai Hia. Momang Hia le sanggéd nai agu le sanggéd idep agu le sanggéd mberes, agu momang haé mensia cama ného (momang) weki de ru, hitus dé perénta ata céwé mésén oné mai sangged takung tapa agu takung siot pali banad. Lélo le Mori Yésus ga ata hitut walé réi hitu le walé ata bijaksanan kéta, wiga mai taé Diha ga ngger oné hia, “Hau toé manga tadang oné mai Perénta de Mori Kraéng!” Poli hitu ga, toé kéta manga cengatan ata ata branin te réi apa-apa kolé ngger oné Mori Yésus.
HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS
@Copyright terjemahan: Fransiskus Borgias M. (Anggota Pakar LBI)
Langganan:
Posting Komentar (Atom)
4 komentar:
Tabe Tuang Borgias...
Cembes keta one nai bacang nggeluk dite... usul dami Ite, eme ngance pantil sangge tuang-tuang pastor one Manggarai kut takung nggeluk lete leso Minggu pake reweng/bahasa Manggarai taung. Neho lau Jawa Tengah...sangged takung nggeluk lete leso minggu pake reweng/bahasa jawa taung.
Nenggitu Reweng dami mendi'd Ite
Sangge Lawa Manggarai neteng tana,
Tabe agu momang dami mendi, eme manga pantil tombo dami mendi one surak natas lino hoo, pantil damang lite tombo reweng/bahasa Manggarai.
Tabe
Kortin, delek keta woko mai cenggo ite one natas daku ho'o e ase... wali di'a ga... di'an kole pa'u reweng dite hitu, kong sangged ata neka hemong curup manggarai.... ne nggitu kole pa'u reweng dite lut Misa Nggeluk, porong sangged taung tuang pastor one Manggarai, pake bacaan one mai terjemahan Buku Nggeluk one curup Manggarai... Kudut bae lite ga, te ho'on ngai reme kerja kin ca tim one ruteng, tim penerjemah Alkitab ngger one curup Manggarai. Am ntaung musi ga, poli taung kudut te Perjanjian (Reke) Weru (Baru)... Terjemahan daku ho'o, aeh rantang ka'eng bo kaut, nanti jadi teks pembanding terjemahan saja... tabe ga...
oh iya, landing toe tuang aku e ase... aku ho'o de ata awam biasa, landing studi Buku Nggeluk, agu ajar ilmu Buku Nggeluk hitu latang te calon-calon tuang lau Bandung... hehehehe... tabe ga... Frans BM. Tabe, landing cei leng ngasang dite? ai toe kong baen ngasang ho'o one mai natas Blogger kaut... Nia maid ite one Manggarai? Ai weki rug aku sale mai Dempol, be be lau mai Rangga, Lembor... tabe ga...
Posting Komentar