KREBA DI'A LESO HO'O 02 MEI 2012

HO’O DḖ INJIL DE MORI YḖSUS ATA TUNTI LIHA YOHANES 12:44-50
PAKA NARING GA LITḖ MORI KRAẺNG (02-05-12)


Poli hitu mai taé de Mori Yésus ga, “Céing-céing kaut ata imbi ngger oné Aku, hia hitu dé toé imbi ngger oné Aku, maik ngger oné Hia, ata poli jera Aku te mai; agu céing-céing kaut ata ita Aku, hia hitu dé ita Hia, ata poli jera Aku te mai. Aku ho’o poli mai ngger oné lino ho’o kudut te jiri néra laing, kong sanggéd taung ata ata imbi ngger oné Aku toé ka’éng oné dungka osang baté nendep. Ẻmé cengata ata ata séngét curup Daku, maik toé pandé liha apa icin curup hitu, Aku toé téing wahéng hia, ai Aku ho’o dé toé mai te pandé wahéng, maik mai kudut te pandé selamak hia. Céing-céing kaut ata ata toé tiba Aku, agu toé tiba curup Daku, hia hitu dé poli manga hakimn ga, yaitu reweng ata poli taéd Laku, hitus dé ata pandé téing wahéng hia tayi du leso cemol. Ai Aku ho’o dé curup toé oné mai weki Rug Aku, maik hia Ema, ata poli jera Aku te mai, Hia dé ata poli jera Aku kudut te tombo taungs apa kaut ata paka curupd Laku agu poli tombod Laku ga. Baé laku ngong perénta Diha hitu dé ngong mosé tédéng lén. Wiga wili ga, apa ata poli taé Daku, poli taéd Laku cama ného apa ata poli taéd liha Ema ngger oné Aku.”


HO’O DẺ REWENG DE MORI KRAẺNG:
PAKA NARING GA LITḖ YḖSUS KRISTUS

@Copyright terjemahan: Fransiskus Borgias M. (Anggota Pakar LBI)