DERE NARING DIHA MARIA (LUK.1:46-56)

Terjemahan: Fransiskus Borigas M. (EFBE@fransisbm)

46 Mai tae di Maria ga:

“O nai go paka naring ga Morin,

47 o wakar daku kole ga nisang ketay

ai Mori Kraeng de Ata Sambe daku,

48 ai Hia poli lelon mose kasi-asi daku mendiN.

Te tu’un wili ga,

pu’ung kaut te ho’on,

sangged taung wa’u one tana lino ho’o

ita/lelo mose di’a daku,

49 ai Hia Sengaji Mese

poli pande tanda lenget latang taku,

ai nggeluk keta de ngasang Diha.

50 Loli Liha molem ntaung widang nggeluk

latang te ata io agu suju Hia.

51 Toto kole Liha kuasaN,

ali sangged apa kaut ata pande Diha

agu pande mbehars (becangs) liha

sangged taung ata siot mese keta naid.

52 Pande pa’us Liha

sangged ata siot raja laings lawang ho’o,

agu tetis Liha sangged ata siot lembak keta naid;

53 Hia kole poli teing apa-apa kaut

latangt ata siod darem mese,

agu wurs Liha sangged taung ata bora,

ngo ne nggitu kauts agu lme kanang;

54 Hia kole poli campe ata Israel, mendiN,

ai nuk kid Liha (ai teo hemongs Liha) widang NggelukN.

55 Neho ata poli reke Diha danong main ga

latang te empo liok dite danong,

latangt hia Abraham

agu sangged taung wa’u uku diha

dengkir tayn agu tedeng len.”

56 Hi Maria ga ka’eng lawang kira-kira telu wulang one mbaru diha Elisabet; poli hitu ga hia kole nggere one mbaru de run.

Bandung, 24 Oktober 2008.

Terjemahan percobaan (agak bebas): Fransiskus Borgias M (EFBE@fransisbm)